Vittus Qujaukitsup partiiliornissaminut atsiornerit 942-t katersussavai

Vittus Qujaukitsup Siumumi ukiuni 28-ni ilaasortaareerluni partiini inuulluaqquaa. Partiiliornissamullu atatillugu atsiornernik katersilerpoq

Vittus Qujaukitsoq Siumumit ilaasortaajunnaarpoq. Tamannalu nunatsinni namminiivinissamut ulluleerusunnermik ilaatigut tunngavilersorpaa. 

Partiimillu nutaamik maanna pilersitsinialerpoq, atsiornernillu sapaatip akunnerata tullianit katersisussanngorluni.

- Sapaatip akunnera uuma naalernerani atsiortitsinissamut aaqqissuussinerit assigiinngitsut piareersarlugit aallartereertussaavagut. Taavalu sapaatip akunnerata tulliani atsiortitsinerit pereerpata, partiiliornissaq timitaleriartulertussaassooq. Taamaattumik suleriarnissara nukinginnartorujussuuvoq, Vittus Qujaukitsoq Nunatta Nipaanit ullaaq manna apersorneqarluni oqarpoq. 

Qujaukitsup partiiliarinigaa suli atserneqanngilaq. Inatsisartunulli qinersisarnermi inatsit naapertorlugu kingulermik Inatsisartunut qinersinermi qinersisut amerlassusaasa 1/31-eriaataannik atsiornernik katersisariaqarpoq. Taakku maanna atsiornerit 942-t naligaat, tassalu Qujaukitsup atsiornerit qinersisoqannginnerani sapaatit akunneri tallimat sioqqullugit  katersugassaasa amerlassusaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!