Vittus Qujaukitsoq issittoq pillugu ataatsimeersuarnermi pingaarnertut oqalugiartuussasoq

Vittus Qujaukitsoq pingaarnertut oqalugiartuussaa, Nunallu Killiit Illersoqatigiiffiata NATO-p qullersaa Jens Stoltenberg, Europa Parlamentimilu ilaasortat aamma ataatsimeeqatigissallugit.

EU-mi Issittumut Politikki nutaaq pillugu isummanik anitseqatigiinniarluni, issittumi suliaqartuusut EU-milu Issittumut soqutigisaqartut katersortinnissaat Arctic Futures Symposiumimi ukioq manna ilaatigut siunertaavoq.

EU-mi nunat Issittumi politikki akuutitsiviusoq pillugu EU-mi ataatsimoorussamik naammassisaqartut Europa Kommissionip ukioq manna siusinnerusukkut nalunaarutigaa, EU-llu Issittoq pillugu politikkia nutaaq Eurpo-Parlamentimi suliarineqaleruttorluni.

Naalakkersuisut piffissami matumani Kalaallit Nunaata soqutigisaata isummersuutaannilu Bruxellesimi immikkut ersaritsitsinissaat pingaaruteqartoq, Namminersorlutik Oqartussat taama ilaatigut nalunaaryteqarput.

Vittus Qujaukitsup Bruxellesimiinnermini NATO-p qullersaa Jens Stoltenberg sisamanngorpat decembarip aallaqqaataani naapissavaa, NATO-p maannakkut oqaluuserisassaniitsitai tassani oqallisigineqassallutik.