Vittus nutsertitsisoq

Tamanna pissaaq Nuna tamakkerlugu Pilersaarusiornermut immikkoortortaqarfik Ineqarnermut Naalakkersuisoqarfimmit Aningaasaqarnermut Nunamullu Namminermut Naalakkersuisoqarfimmut nuunneqarpat.

Suliassaqarfimmik allanngortitsineq suleqatigiinnermik sunniuteqaqatigiinnermillu suli pitsaanerusumik pilersitseqataassaaq, suliassaqarfimmi siunissami sullissinermik, pilersaarusiornermik najoqqutaqarnermillu nukittorsaasumik, Aningaasaqarnermut Nunamullu Namminermut Naalakkersuisoq Vittus Qujaukitsoq oqarpoq.

Nuna tamakkerlugu Pilersaarusiornermut immikkoortortaqarfimmi suliarineqartartut tassaapput  nunaminertanik atuineq imaluunniit nuna tamakkerlugu nunap immikkoortui assigiinngitsut sumut atorneqarnissaat suliarineqartarlutik. 

Immikkoortortaqarfimmi aamma akisussaaffigineqarpoq Namminersorlutik Oqartussat suliassaqarfiisa pilersaarusiorneri kommunit pilersaarutaannut ataqatigiissinnissaat immikkoortortaqarfiup aamma akisussaaffigai, taamatullu Asiaq - Misissueqqaarnerit immikkoortortaqarfiup ataaniilluni.

Nuna tamakkerlugu Pilersaarusiornermut immikkoortortaqarfik nunaminertanik tunniussisarnerni kommunit aalajangiinerini aamma maalaaruteqartarfiuvoq.

Sulisut ullut tamakkingajallugit kommunit atassuteqarfigisarpaat pilersaarusiornermilu pisinnaatitaaffiit eqqarsaatigalugit kommunini illoqarfinnik pilersaarusiortunik, nunaminertalerisunik innuttaasunillu siunnersuisarnermi pingaarutilimmik inissisimasuullutik.

Nuna tamakkerlugu Pilersaarusiornermut immikkoortortaqarfik siunissami Nunamut namminermut immikkoortortaqarfimmik qaninnerusumik atassuteqalissaaq, pisortat suliassaat anginerusut soorlu suliassaqarfiit pilersaarusiorneri tassani isumagineqartarlutik.

Nunamut Namminermut naalakkersuisoqarfik kommunit nakkutilliisoqarfiata allaffeqarfigaa, aamma tassani nammisornerulluni oqartussaanermut inatsit malillugu kommuninut siunnersortaalluni.