Vittus: Naalakkersuisuusimasut Pituffik pillugu oqallittarsimanngillat
Nunanut allanut tunngasunut maanna naalakkersuisuusoq, Vittus Qujaakitsoq oqarpoq, taamani Naalakkersuisuusut tamanna oqallisigisarsimanngikkaat.
Vittus Qujaukitsoq aamma oqarpoq, Namminersorlutik Oqartussat qaffasissumik pisortaannit Naalakkersuisut paasissutissanik apuussiffigineqartarsimanngitsut.
- Uani erseqqissumik oqaatigisariaqarpara Naalakkersuisut siuliini Pituffik pillugu annertoorujussuarmik oqallittoqartarnikuunngimmat, Vittus Qujaukitsup aamma nassuerutigaa, Namminersorlutik Oqartussat 2013-imi qaffasisummik atorfilittaasa suliaq Pituffimmut tunngasoq taamani Naalakkersuisuusunut nassuiaatigineq ajorsimagaat.
- Taamaammanuna ullumikkut paatsuungassutigineqartut paasissutissat maannakkut ilisimalikkagut atorfilittatigut ingerlanneqartarsimasut qanoq annertutigisumik qinikkaniit taamaasillunilu aamma Naalakkersuisunut suna peqqutigalugu apuunneqartarsimannginnersut qulaajaaffigalugit ingerlakkipput, Vittus Qujaukitsoq oqarpoq.
Soormitaavaana pisortaninngaanniit ilissi peqataatinneqarnersi taamak annikissimatigisoq?
- Taannartaa akisinnaanngilara, Nunanut allanut tunngasunut Naalakkersuisoq, Vittus Qujaukitsoq taama KNR-imut oqarpoq.
Danskit nunanut allanut tunngasunut ministeriat, Martin Lidegaard marlunngorpat marsip pingajuanni ataatsimeeqatigeqqissallugu, Vittus Qujaukitsoq KNR-imut aamma oqarpoq.
