Vittup uranisiornissaq aqqutissiuunniaraa
Atomimimmi nukissiorneq pillugu nunat tamalaat nakkutilliisuutitaata, IAEA-p, Østrigip illoqarfiisa pingaarnersaanni Wienimi ippassaq septembarip ulluisa 26-anni ataatsimeersuarneranni Nunanut allanut tunngasunut naalakkersuisoq Vittus Qujaukitsoq peqataavoq. Naalakkersuisut tusagassiorfinnut taama nalunaaruteqarput.
Pappilissat pisortatigoortut IAEA-p qullersaanut Yukiya Amanomut Vittus Qujaukitsumit tunniunneqarnerisigut tamanna pivoq. Kalaallit Nunaatami radioaktiviusunik passussinermi isumannaallisaaniarneq pillugu nunat tamalaat aalajangersagaannik ilanngunnissaa pillugu pappilissat naalakkersuisup tunniuppai.
Aamma atuaruk IA innuttaasunik taasititsinissamik piumasaqarnissamut periarfissaqarusuttoq
Radioaktiviusunik qinngornilinnik passussinermi isumannaallisaaneq pillugu aalajangersagaq, tassungalu atatillugu ajutoortoqarsimatillugu isumannaallisaaniarneq pillugit aalajangersakkat matumani pineqarput.
Aalajangersakkat taakku marluk Kalaallit Nunaannit peqataaffigineqartariaqarput Nunatta uranitalinnik avammut tunisisinnaanissaa ammaassiffigineqassappat.