Vittup isornatorsiuinini aalajangiusimaannarpaa
Kommuunit Naalakkersuisullu assigiissaarisarnermik aaqqissuussinerup nutaap ataatsimoortumillu tapiissutit pillugit isumaqatigiinniarnerit kommuneqarfik Sermersuup borgmesterianit isornartorsuisoqarneratigut akornusersorneqartut, Aningaasaqarnermut Nunamullu namminermut Naalakkersuisup Vittus Qujaukitsup aalajangiussimallugu oqaatigaa,
Kommunalbestyrlsemi IA sinnerlugu ilaasortap Allan Pertti Frandsenip isornartorsiuteqarnera Vittus Qujaukitsup ilumunngunnerarpaa
Allan Petti Frandsenimmi Vittus Qujaukitsoq makitanerarnerarpaa Borgemster Asii Chemnitz Narupip isumaqatiginniarnerit atorsinnaanngitsutut isornartorsiunera pillugu oqaseqarmat.
Vittus Qujaukitsoq tusagassiuutinut nalunaaruteqarluni aallappoq kommuneqarfik Sermersuup aningaasaqarnikkut ajortumik inissisimanera akisussaaffeqannginneralu kommunemi aningaasaqarnikkut aqutsinermik amigaateqartoqarmat.
- Naalakkersuisunut pisuutitsiniarneq pineqartup, tassa nunatsinnut tamarmiusumut iluaqutaasussamik naligiissaarisarnermik aaqqissuussinermik nutaamik attanneqarsinnaasumik oqimaaqatigiissaakkamillu nassaarniarnissap allamut saatinniarneqarneratut isikkoqarpoq, Vittus Qujaukitsoq oqarpoq
Vittus Qujaukitsup aalajangiusimavaa isumaqatiginniarnerit ingerlanneqarneranni isornartorsiunerit sulinermut pisariaqanngitsumik akornusersuisut.
Tusagassiorfitsigut taamatut kingunissaqanngitsumik oqallinnermut taarsiullugu borgmesterit KANUKOKA-lu toqqaannartumik oqaloqatigalugit aaqqiissutissamik atorsaasumik nassaarniarnissamut nukissat atorusunneruakka, Aningaasaqarnermut Nunamullu Namminermut Naalakkersuisoq Vittus Qujaukitsoq tusagassiuutinut allagaqarluni taama erseqqissaavoq.
