Visit Greenlandimi ileqquusumik ataatsimeersuaqqammerput
Ullormut oqaluuserisassani immikkoortut ilagaat ingerlatseqatigiiffiup ukiumoortumik nalunaarusiaa ukioq 2014-imut 104.183 koruuninik amigartooruteqarfiusoq.
Siulersuisunut siulittaasoq Kenneth Høegh ataatsimeersuarnermi qinigaaqqippoq, taamatuttaarlu siulersuisunut ilaasortat Johanne Bech, Poul Salik Jonas Hard aamma Sakiko Daorana, Karin Sinclairilu siulersuisunut ilaasortaajunnaarpoq.
AAMMA ATUARUK Farvel og goddag i Visit Greenland
Tamatuma saniatigut siulersuisut takornariartitsinikkut misilittagartuunik marlunnik nukittorsarneqarput, tassalu Anette Lings, Hotel Sisimiuni pisortaq aammalu Erik Bjerregaard Ilulissani Hotel Arcticimi pisortaq. Taakku takornariartitsinermik inuussutissarsiorneq sukumiisumik ilisimasaqarfigaat.
Visit Greenland takornarianik tikittartunik nalunaarsuineq immikkut sammisaralugu 2014-imi suliaqarsimavoq.
Naalakkersuisut tusagassiorfinnut nalunaaruteqarlutik oqaatigaat taamatut nutaamik nalunaarsueriaaseqartoqalernerarigut nunatsinnut nunanullu avannarlernut killernut takornariartartut katitigaanerisa paasisaqarfigilluarnissaanut ilaqutaanissaa neriuutigalugu.
