Visit Greenland: Mittarfiit tallineqarnissaannut piffissanngorpoq
Nunatsinni angallannikkut ataqatigiissaarineq qangali allangortinneqarpoq maannalu mittarfiit tallineqarnissaannut piffissanngorluni, nunatsinnummi takornariarnissaminnut soqutiginnittut amerlapput.
- Mittarfiit tallineqarnissaannut aningaasaliisinnaasut pissarsiarineqarpata piaartumik aallartittoqartariaqarpoq, Nunatsinni Takornariaqarnermut Siunnersuisoqatigiit Visit Greenlandip direktøria Anderss Stenbakken taama oqarpoq.
Taassuma erseqissaatigaa takornariat nunatsinnut takornariarnissaminnut soqutiginnittut amerliartormata.
- Takornariat Danmarkip avataanneersut amerliartorput, kisianni takornariat Danmarkimeersut aalaakkaapput.
Aamma atuaruk Mittarfiit tallinneqarnissaannut innersuussutigineqartunut Vittus oqaaseqarsinnaanngilaq
- Pingaaruteqarpoq mittarfinnik takinerusunik peqarnissaq - maannakkut ajornartorsiutigineqartunut aaqqiissutissatut isigineqassanngillat kisiannili siunissamut qulakkeerinnittullutik, Anders Stenbakken oqarpoq.
Ilanngullugu oqaatigalugu takornariat amerlasuut tikinnissaannut nunatsinni piareersimasoqartariaqartoq.
Aamma atuaruk Mittarfiit takinerusut nunatsinnut iluaqutaassapput