Akiliutit Visa imaluunniit MasterCard pillugit e-mailisiat piffissaq kingulleq takkuttartut ussiiniutaasut paasineqarpoq.
Visa International taamaammat mianersoqqusivoq.
E-mailit akiliutinut paasianiaanernut tunngasunik, imaluunniit akiliutit atornerlunneqarsimanerinik ilisimatitsissutinik imaqarsinnaapput. Allassimasinnaapput akiliutinut pigisanut paasissutissat assigiinngitsut allattorlugit e-mailit akigaanni, aningaasat atornerlunneqarsimasut utertinneqarsinnaasut, akiliutillu atornerlunneqaqqinngissaannarnissaat piginnittut taamaalillutik aamma qulakkeersinnaagaat.
PBS nalunaarpoq, Visap imaluunniit MasterCardip atuisuni e-mailikkut qaquguluunniit attaveqarfiginavianngikkai, taamaammat nassissuisut tassaasut pinerlunnermut attuumassuteqartut.