Virusi toqunartoq nutaaq nassaarineqarpoq
Nappaalli taanna Boliviap ilaminiinnannguani taamaallaat atuuttoq erseqqissaatigineqarpoq. Ilisimatuuniilli ilimagineqarpoq silaannaap allanngoriartornerata kingunerisaanik siaruaakkiartussagunartoq.
2003-mi jannuaarip qaammataani angut inuusuttoq Boliviamiu kissarneqarlunilu niaqorlulerpoq, ullualunnguillu qaangiutiinnartut naggussamigut nukimmigullu annialerpoq meriaatarilerlunilu. Sapaatip akunneri marluk qaangiutiinnartut angut toquvoq.
Angutip nappaataa nakorsaata paasisinnaannginnamiuk misiliutai ilisimatuunut misissuisartunut nassiummagit paasineqarpoq virusimik ilisimaneqanngitsumik angut toqquteqartoq.
Ilisimatuut naatsorsuutiginngilaat virusi taanna nunarsuarmi siammaannissaa, maannamullu sumiiffinni annikitsuinnarni taamaallaat nappaatigineqarnissaa ilimaginerullugu.
Manna tikillugu angut ataaseq taanna kisimi nappaammik taassuminnga toqquteqarpoq.
