Virusi nutaaq
Qarasaasiani virusi nutaaq piuneerunneqarsinnaangingajattoq siaruaatilertortoq Danmarkimi nutaarsiassaqartitsivippassuit allaaseraat.
Qarasaasiani virusi Bagle.at-mik taaguuserneqarsimasoq, virusiaatinit ilisimaneqanngilaq. Virusi taanna emailinut ingerlaartinneqarpoq, Qarasaasiallu ingerlatsisuinut Windowsinut pulasarpoq, verusiaatillu atorunnaarsinniartarlugit.
Virusi emailitut takkukkaangami imarinerartarpai Price imaluunniit Joke.
Qarasaasialerisut siunnersuutigaat qarasaasiat eqqorneqartut internetimut attaaverutseriarlugit suliarineqartariaqartut.
Virusi TELE Greenlandip e-mailianut attavillit ajornartorsiutiginavianngikkaat Telemi internetilerisartoq John Siegstad radioaviisimut oqarpoq.
Virusi pineqartoq Telemut anngussimagaluarpoq, virusinulli piiaat Telep tallimanngormat nutartermagu virusi ajornartorsiutaavallaarnavianngilaq. Suliffeqarfinnulli virusi anngussinnaasoq John Siegstadip ilisimatitsissutigaa.