Virginiami aallaasersortoq: "Ilissiuna taamaaliortikkissinga"!
Amerikami naalagaaffiit ilaanni Virginiami
Angut 23-nik ukiulik Korea-kujallermiuusoq
Aallaasersorluni inunnik 32-nik inuartarinnit-tussanngornermi siulianili mersernasaartarsimavoq naalaasersornartumillu pissusilersortarsimalluni.
”Ilissiuna taamaaliortikkisinga”. Allakkamini taama nipilimmik 23-nik ukiulik Korea-kujallermioq ilinniarnertooq; Cho Seung-Hui allassimavoq, ataasinngornermi Virginia-mi ilinniarnertuut atuarfissuanut inuppassuanik toqoraajartulernermini.
Allakkamini ”Cho”-p Korea-kujallermiuusup Virginia Tech-imilu ilinniarnertuujusup kamaatigisimavai ” Pisuut meeraat inuusuttut”, ” peqquserluttuliortut imminnut sorujussuartut isigisut” kiisalu ”Inuunermik naleqassusianik soqutigisaqanngitsut” ilinniarnertuut atuarfissuanni ilinniarnermi ingerlaneranni. Taama allappoq; aviisi, The Chicago Tribune.
Aviisi; Cho pillugu paasissutissanik annertunerusunik saqqummiussaqarsinnaanngilaq, USA-mulli 1992-imi tikissimanera aammalu illoqarfissuarmi Washington-imi alliartorsimanera oqaatigineqarpoq.
- Korea-kujallermiuusoq, Cho, Nammineq silarsuani malillugu inuuvoq, paasissutissaasinnaasunillu tassunga tunngasunik ujaasinitsinni ajornartorsioqaagut. Taama oqarpoq, Ilinniarnertuut atuarfissuanni oqaaseqartartuusoq,
- Nipaarluuvoq, kiserliorniartuujuaannarlunilu. Piffissaq annertooq bsketball-ernissamut atortarpaa, ilassineqaraangami akineq ajorpoq, taama oqaluttuarpoq, Abdul Shash, Cho-mut eqqaamiuusoq. Cho amilaarnartumik aallaasersoreernermi kingorna imminorpoq.
Cho Seung-Hui ataasinngormat aallaasersunngi-tsiarnermini kollegieni inigisamini ikamatitaliorluni
Ikuallaasarsimavoq arnallu assigiinngitsut malersortarsimallugit.
Tuluttullu allaaserisamini naalaaserlunnartunik allassimalluni, taamaaliorsimanera pillugu, atuarfimmi siunnersuisartunut oqaloqateqarnissaanik innersuunneqarsimavoq.
