Isumasiuinerit, aamma Kalaallit Nunaata Radioani malinnaaffigineqarluartut, imaaliallaannaq suliarineqarneq ajorput. Inatsisartunut qinersineq 2005-mi arfernup qeqqaniit aallakaatinneqartussami isumasiuisarnerit sammineqartussanut ilaapput.
Isumap qinersinermut uuttuutaa qinersisartunik isumasiuisartutoqqap Kasper Vilstrup-ip soqutiginartillugu misissuataaqqammerpaa. Isumaqarporlu isumasuinerit tutsuiginarnerussappata, misissuinerni periaatsit sukumiinerusariaqartut.
- Oqarasuaatit internetilu atorlugit misissuissagaanni ilisimasariaqarpoq, misissuinermi peqataanngitsut, tassalu oqarasuaateqanngitsut interneteqanngitsullu, allaanerusumik akeriataarsinnaammata, Kasper Vistrup Inatsiartunut qinersineq 2005-imut arfernup qeqqaniit aallakaatinneqartussami oqarpoq.