Villy Søvndal-ip IA inatsisartunut qinersinissamut kissaalluarpaa

Juliane Henningsen, Inuit Ataqatigiit sinnerlugit folketingimi inatsisartunilu ilaasortaatitaq sapaatip akunnerata naanerani SF-ip nuna tamakkerlugu ataatsimeersuarnerani Århusimi peqataavoq.
Allattoq Jaaku Lyberth
apriilip 26-at 2009 13:26

Tassani SF-ip siulittaasua Villy Søvndal, Kalaallit Nunaanni inatsisartunut qinersinissaq pillugu oqaloqatigaa. Villy Søvndalip IA-mut tamakkiisumik tapersersuinini ersersippaa. SF tamatigut IA-mik suleqateqarluartarpoq, taamaattumillu qineqqusaarnermi IA-mut ajunnginnerpaamik Villy Søvndal kissaassilluni oqarpoq. Islandimi qinersinermi saamerliit ajugaanerat kiisalu IA-p naatsorsuutigisatut ingerlalluassappat, assorsuaq siunissamut neriulluarnarnerarlugu Villy Søvndal SF-it siulittaasuat oqarpoq. Inuit Ataqatigiit nunani avannarlerni kivitseqataasinnaalluarneralugit aamma oqarpoq. Inuit Ataqatigiit inuusuttai maajip qaammataani Nuummi ataatsimeersualerpata, Villy Søvndalip naapitsinissani qilanaaralugu Juliane Henningsen-mut oqarsimavoq.