Villads Villadsen 90-liivoq

Ajoqiuneq Villads Villadsen Ilimanap avannannguani Avannarlerni 1916-imi inunngortoq, ullumi 90-inik ukioqalerluni nalliuppoq. Kalaallit Nunaannut ernerulluartup erinniai, taalliai atuakkiarpassuilu innuttaasunut nuannaartitsiuartuupput, pingaartumik Qasigiannguani 1967-imili nunagilersimasaani innuttaasunut.

Villads Villadsen maanna napparsimmavimmi uninngasoq ullaaq peqatigiinnianit tussiartunit itersarneqartoq, inuttaalu pilluaqqutinnermik nuannaaqisoq ernera Lars Villadsen unnersiorpoq.

Villads Villadsen ataqqiniarlugu unnugu arfineq-marlunit Qasigiannguit timersortarfiani pisussarpassuaqarpoq: Borgmesteri oqalugiassaaq, erinarsoqatigiit erinarsortassapput akornatigut Villarsip taalliaanik atuakkiaanillu atuffassisoqassalluni. Ole Christiansenip CD-liaa Villads Villadsenip taalliarsua Qasapip ullua kingulleq tunngavigalugu suliaq unnuup ingerlanerani tigulaariffigineqassaaq. Aamma isiginnaartitsissusiarsuup Qasapip ullua kingulliup Katuami takutinneqarnerani immiussaq DVD-kkut isiginnaarneqassaaq.

Nipilersoqatigiit arlariit aamma appisimaartarumaartut aaqqissueqataasut sinnerlugit Søren Lange nalunaarpoq.