Vikingit umiarsuaat Nunatsinni angalalersoq
Vikingit angallataat Skjoldungen containerimut ikillugu Kalaallit Nunaannut ullumikkut marlunngornermi Aalborgimit aallarunneqarpoq. Tamannalu unammillernartutut taaneqarsinnaavoq.
Vikingit angallataat Skjoldungen Skandinaviamiut ukiut 1000-it matuma siornatigut Kalaallit Nunaannut nunasinerannik oqaluttuat paasiniarlugit nunatta sineriaa atuarlugu aasaru angalassaaq.
Angalaneq oqaluttuarisaanermut ilanngutissaaq, Jørn-Ove Johannsen Skjoldungenip peqatigiiffiani ilaasortaq oqarpoq.
- Skjoldungen 560 sømilitut, 1050 kilometerisut isortartigisumik angalassaaq - vikingillu angallataannik taamatut sanaajusumik taama isorartutigisumik siornatigut angalasoqarnikuunngilaq.
Aamma atuaruk Vikingit umiarsuaannik Nunatsinni aasaru angalalersut
Vikingit angallataannik qallunaatsiaat nunaqarfigisimasaannit nunaqarfigisimasaannut aatsaat angalasoqalersoq, Jørn-Ove Johannesen oqaluttuarpoq.
Vikingit angallataat qallunaatsiaqarfikumit Nuup kangerluanit qallunaatsiaqarfikumut kujataaniittumut Brattahlidmut ingerlaassaaq, aqqutaani inoqarfiusimasut aqqusaartassallugit.
Kalaallit Nunaata sineriaani angalanissaq pitinnagu angallat Kalaallit Nunaannut assartorneqassaaq.
Vikingit angallataat Skjoldungen angalanini marlunngorpat Roskildemit Aalborgimut aallartikkuniuk containerit iluani aallartissavaa tassanilu poortorneqarnereeruni imarpik ikaarlugu nunatsinnut ingerlaassalluni.
Angallat poortorneqassaaq umiarsuarmillu assartorneqarnerani containerimi ammasumi umiarsuup qaani inissisimassaaq
Angallat Skjoldungen 11 meterisut takitigivoq vikingillu angallaataat 1030-meersup assinganik sanaajulluni.
