Vikingit umiarsuaat aallaannaleqaaq
Ukiuni marlunngortuni Roskildemi sulissutigineqartunut ilaavoq vikingit umiarsuaannik ilaarsilluni sananeq. Umiarsuarlu, ”Havhingsten” Dublinip tungaanut sapaatiuppat aallartinneqassasoq, DR nalunaarpoq.
Umiarsuarmilu 30 meterinik takitigisumut inuttassat ukiuni marlunni inuttassatut Roskilde-p Issefjordillu eqqaani aammalu Norgep sineriaani angalasarlutik sungiusartarsimapput.
Umiarsuarmili sungiusartartut anorersuarmik suli nalaataqartarsimannginnamik, Dublinimut ingerlaarnerminni anorlertumik aqqusaagaqassanerlutik pissangagaat, taama oqarpoq ”Havhingstimi” aquttoq, Orø-meersoq Carsten Hvid.
- Umiarsuaq suli iluamik misiliganngilarput, ingammik anorlersumi. Umiarsuarmi ilaasut sulisussallu katillutik 65-iussapput. Tamarmillu inikitsuarannguami sulisartussaassapput, aquttoq Carsten Hvid naggasiilluni oqarpoq.
