Viinnisulaarsimatillunigooq nuannernerusarpoq

Atoqatigiinniaraannigooq immiartorfik ataaseq marlulluunniit viinnisorsimagaanni, allamilluunniit silamik aallartitsilaarsinnaasumik najorsisimagaanni, atoqatigiinneq nuannernerpaasarpoq, norgemiulligooq imigassartorsimanngivillutik aatsaat atoqateqarusuttarput.

Misissuinermi nutaami tamanna erserpoq, Norgemilu innuttaasut amerlanersaasa imigassartortariaasaat misissuinerit kingorna ersarissivoq. Taama allappoq aviisi Norgemi ullormut saqqummersartoq, Verdens Gang.

Viinnisulaarsimatilluni atoqatigilluni ilumut nuannernerusoq, norgemiut angutitaasa 26 procentiinit amerlanernit isumaqatigineqarpoq, Norgemili angutit affaanit amerlanerit isumaqarput, imigassartorsimatinnani atoqatigiilluni iluarnerpaasoq.

Norgemiut arnartaat atagumi! - 20 procentinit amerlanerit isumaqarput viinnisulaarsimatilluni, immiartorfik ataaseq/marluk pingasulluunniit, innaqatigiikkaanni atoqatigiinnissamut kajumissuseqalernarnerusartoq, 60 procentilli isumaqarput, tungermi eqaarsaarneq aalakuualaartinnani nuannernerpaasartoq.

Norgemi imigassaarniartartut annersaata, Arcus-ip, misissuisitsinerani norgemiut angutit 1736-it peqataasimapput.