Nunatsinni imigassanik aalakoornartulinnik mamarisallit vinitornerulersimapput immiaarartornikinnerulerlutillu, nunatsinni naatsorsueqqissaartarfik 2000-miit 2004-mut naatsorsuisimasoq ilisimatitsivoq.
Viinit nunatsinnut eqqussorneqartut 27.procentinik amerlisimapput, immiaaqallu tunisat 22.procentimik ikilillutik. Imigassat kimittuut eqqussorneqartut aamma 12-procent-inik aamma ikilisimapput.
2004-mi imigassat nunatsinnut eqqussorneqartut ikileriarneri 2003-mi kisitsisinit allaanerunngillat.
Imigassat kimittuut eqqarsaatigalugit Nunatsinni Danmarkimilu atuinerit assigiikannilersimapput.
Agguaqatigiisillugu nunatsinni innuttaasut ukiumut imigassamik kimittuumik 11,6 literimik imersimasut naatsorsueqqissaartarfik naatsorsuivoq.