Asiap kujataani-kangisissuani nunap sillimaniarnini apriilimiilli tunillaasoqarsimanani nutaamik tunillatsissimasumik arfininngormat paasisaqartoqareersoq kingornalu pingasut allat Da Nangimi sapaatiummat paasineqarnerata kingunerisaanik nunap naalakkersuisuisa sillimaniarnertik qaffaqqippaat.Assi: xiquinhosilva / Flickr

Vietnamip inuit 80.000-it qimagussortikkai

Inunnik qimagussuineq ikinnerpaamik ullunik sisamanik sivisussuseqassaaq, Da Nangimiillu Vietnamimi illoqarfinnut 11-nut timmisartut ullormut 100-t missaat ingerlaartinneqartassallutik.

Vietnamimi inuit 80.000-it, taakkunani takornariat amerlanerullutik, Covid-19-imik napparsimalersimasoqarneranik paasisaqarneq pissutigalugu illoqarfimmit Da Nangimit qimarngutsinneqarput.

Da Nangimit Vietnamimi illoqarfinnut aqqanilinnut ilaatigut nunap iluani ullormut 100-riarluni timmisartuussilluni ikinnerpaamik ulluni sisamani qimagussuisoqassaaq.

Asiap kujataani-kangisissuani nunap sillimaniarnini apriilimiilli tunillaasoqarsimanani nutaamik tunillatsissimasumik arfininngormat paasisaqartoqareersoq kingornalu pingasut allat Da Nangimi sapaatiummat paasineqarnerata kingunerisaanik nunap naalakkersuisuisa sillimaniarnertik qaffaqqippaat.

Vietnamip killilersuinerit annertuut atuutilereerpai, coronallu ajortorsiutaanerani sakkortuunik paasiniaalluni. Tunillatsissimasut katillugit 420-upput, coronavirusimillu tunillatsissimallutik toqusumik suli nalunaarsuisoqanngilaq.

Nunanit allanit takornarianut matoqqasoq

Vietnam takornarianut nunanit allaneersunut suli matoqqavoq. Timmisartornissamulli bilittit angalanissamullu akikimmata, nunap iluani angalasut amerleriarujussuarsimapput.

Da Nangimut nunamilu sumiiffinnut allanut angerlartut tamarmik ulluni 14-ini angerlarsimaffimminni mattuteqqassasut, Vietnamimi peqqinnissamut ministerip oqaatigaa.

Vietnamimut inatsisinik unioqqutitsillutik isertut politiinit annertusakkamik iliuuseqarfigineqarnissaat, Vietnamip ministeriunerata, Nguyen Xuan Phucip politiinut inassutigaa.

Da Nangimi inuiaqatigiit imminnut ungasillisimaarnissaanut malittarisassat annertusakkat nutaat ministeriunerup ataasinngornermi peqqussutigaa, matumanilu kiffartuussinerit allaffiillu ilarujussui matuneqarput.

Illoqarfiit pingaarnersaanni Hanoi-imi oqartussat tamat tamanut ammasumiinnerminni anersaartuutinut illersuutinik atugaqarnissaat peqqussutigaat.

AAMMA ATUARUK Vietnamimi virusimut aarlerineq pissutigalugu illoqarfimmit aneqqusaajunnaartoqartoq

Vietnamip coronavirusimut akiuulluarnini tulluusimaarutigaa. Nunap killeqarfini tamangajannut nunarsuaq tamakkerlugu tunillaassuuttoqaleqqammertoq matuai, nunaniillu allanit tikittut tamarmik ulluni 14-ini angerlarsimasarnissaat atuutiliaartillugu.

Vietnamimi coronamik napparsimasoq tusaamaneqarnerpaaq angutaavoq Tuluit Nunaanneersoq, taanna ulluni 68-ini anersaartuuteqartinneqarsimavoq. Angut taanna qaammat una siusinnerusukkut angerlamut aallarsinnaasimavoq.

/ritzau/Reuters

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat