Vietnamimut sorsunnermut assersuussineq

Amerikap præsidentiata George W. Bush-ip kiisalu amerikamiut sakkutuuisa 60-ikkunni 70-ikkunnilu Vietnam-imi sorsunnermi ajorsarnertik maanna Irak-imi sorsunnermut assersuunnaveersaartuarsimagaluarpaat.

Maannali kiisami præsident Buship Irakimi massakkut pisut Vietnamimi 1968-imi pisunut eqqaanartoqarsinnaanerat nassuerutigaa. Taamanikkummi Vietnamimiut sakkutuuisa saassussinerat Amerikamiut Indokina-mi sorsunnerata taamaatikkiartulerneranut aallarniutaammat.

1968-imulli utilaariarta Vietnamillu Avannaani Radio Hanoi tusarnaarlugu.

DR-miit Thomas Ubbesenip tusagassiaa Elisa Isaksenimit kalaallisuunngortinneqarpoq.

Irakimi pikitsitsinerit suli ingerlajuarsinnarput.

Irakimiut illoqarfianni Mosulimi politeeqarfiup silataani imminuujutigaluni biilimik tankilimmik qaartitsisoqarmat inuit 20-t missaat toqutaapput.

Kingunitsianngualu aamma Irakip avannaani illoqarfimmi uuliaqarfiusumi Kirkukimi inuit ussagaleruttorfianni biilit qaartinneqarmata inuit arfineq-pingasut toqutaapput 70-illu ikiligaallutik.

Irakimiut politiivisa oqarnerat naapertorlugu, irakimiut sakkutuui akissarsiaminnik bankimut aalleruttornerisa nalaanni qaartitsisoqarsimavoq.