Vietnamimi qarsutsinersuaqarpoq
Kangiani Vietnamip qiterpasissuani erngup qarsutsinersuinit inuit ikinnerpaamik 65-it sapaatip-akunnerata ingerlanerani ajunaarput.
Erngup tunuariartorfiani inuit arfineq-pingasut suli maqaasineqarput, taama Vietnamimi oqartussat nalunaarput.
Neriuutissaqarpallaanngillallu, kiattummi anorersuarsua kangianit aggersoq ilimasaarutigineqarpoq, takkukkunilu qarsutsinernik nunallu sisoornerinik kinguneqanngitsoornavianngilaq.
Erngup qarsutsinerpassuisa Vietnamimi maannamut illut 55.000-t sequmereerpai, inuillu 274.000-t qimarnutillugit.
Perlilerput qilallutillu, naatitsivippassuimmi erngup qarsussimavai.
Aqqusernit sisoorussaasimammata ikiuiniarneq aamma ajornakusooqaaq, Vietnamimiinnaanngitsoq, kangianili nunani arlalinni sialussuaarnerata kingunerisaanik pissutsit taamaapput.
