Vietnamimi ikaartarfik isasoorpoq
Oqaatigineqarpoq ikaartarfik nipitoorujussuarmik isasooriataarmat sulisut 250-it ikaartarfiup ataani ulappussimasut.
Inuit 60-it nanertillutik ajunaarput. 150-illu ikilersiterlutik, ajunaartut ajoqusertullu amerlanerunissaat ilimagineqarpoq, Reuters Bureau taama nalunaaruteqarpoq.
Ajunaarfiup qanittuaniittut napparsimmaviit ajornartorsiortorujussuusut nalunaarutigineqarpoq, ikiligaasorpassuarnut siniffissaqartitsinnginnertik pissutigalugu.
Ulloqeqqanut nalunaarutigineqarpoq sulisorpassuit suli maqaasineqartut, sulisullu beton-it akornanni savimerngillu ikaartarfiliap noqarutaanit kiggingussaasimasut ikioqqullutik nilliarpalunneri tusaaneqarsinnaasut.
Ilisimaneqanngilarli ikaartarfik japanimiunit aningaasatigut tapiiffigineqarluni sananeqartoq sooq ? isasoorsimanersoq!. Vietnamimiulli TV-qarfiata eqqoriarpaa, sialussuartuarnerata ikaartarfiup nuna toqqavigisaa kaanngartissimagaa.