Videomi immiussaq ajoqusiisinnaavoq

Tamanna præsidentinngorniarneranut sunniuteqassaaq, USA pillugu immikkut ilisimasalik Neils Bjerre Poulsen  taama oqarpoq.  

Ukioq 2005-mi Videokkut immiussami Donald Trump oqaluttuarpoq, arnammik uilimmik atoqateqarniarsimagaluarluni naamminerlu sumiluunniit piumasaqaraangami pisarlugit, tusaamasaagami nuannerineqarlunilu, videokkut immiussami Donald Trump taama oqarpoq.  

Taama videokkut immiussami oqalussimanini pillugu ullaap tungaani Donald Trump utoqqatserpoq. 

Taamali utoqqatsernera naammanngilaq qinersisoqarpallu kinguneqarsinnaasoq, USA pillugu immikkut ilisimasalik  Syddansk Universitetimi lektori Niels Bjerre Poulsen DR-imut taama oqarpoq. 

Isumaqarpunga taama oqarsimanera kinguneqassaasoq.  Siornatigut taama kusanaatsuliorsimagaangat suneqarsinnaarpiannngitsutut ittarpoq, Niels Bjerre Poulsen oqarpoq,  - præsidentinngorniartut siullermeerlutik oqallinneranniilli ajornartorsiutit aallartimmatali suli ajorsiartorput,  siullermik akileraarutit pillugit paasissutissat tunniukkumanngimmagit. 

Arnat nikagalugit oqarsimanera tusaamanerlugaareerneranut ilannguppoq, tamannalu pivoq præsidentinngorniartut aappassaanik  oqallinnissaannut ulloq ataaseq sioqqullugu, amerlasuunillu Donald Trumpip takutitsilluarnissaanut periarfissaatut kingullertut isigineqarluni  Niels Bjerre Poulsen  Danmarks Radiomut taama oqarpoq. 

Donald Trump arnat pillugit oqaaseqarsimanera politikerinit republikanerinit demokraatiniiillu isumaqatigineqarani assuarineqarpoq,  præsidentimullu qinigassanngortininni taamatittariaqaraa kaammattorneqarluni. 

Taamali kaammattuuteqarneq Donald Trumpimit isumaqatigineqarani itigartinneqartoq, aviisi Washington Post allappoq.

 - Tunuarnavianngilanga taamaaliunngisaannarpungalu inuuninni, qineqqusaarnera unitsinnavianngilara, tapersersorterpassuaqarpunga, Donald Trump oqarpoq.