VIDEO USA-p aallartitaata annaassiniartut malittarigai
Amerikamiut Danmarkimi aallartitaat, Rufus Gifford, umiarsuup alapernaarsuutip Knud Rasmussenip annaassiniarnera ullumi marlunngornermi ullaap tungaani malinnaaffigaa.
Allattoq Walter Turnowsky, Simon Uldum
Alapernaarsuummi inuttat imaanut katataasoqartuusaartitsillutik sungiusarput.
Issittup imartaani annaassiniarnermut tunngatillugu suleqatigiinnerup nukittorsarneqarnissaanik USA-p kissaateqarneranut atatillugu aallartitaq annaassiniarnermik sungiusartoqarneranik malinnaavoq.
Kalaallit Nunaata Kitaa Amerikap nunavittaanut ungasinngilaq, umiarsuillu issittup imartaani angalasut amerliartuinnarput, taamaammat Kalaallit Nunaanni annaassiniarnermik suliaqarneq aallartitaqarfiup tungaanit soqutigivarput, Ruffus Gifford KNR-imut oqarpoq.
Annaassiniarnermik sungiusarneq videomi ataaniittumi isiginnaarsinnaavat.