Nalunngilara inersimasut taakku misilittagartuut ikattorujuusut, kisianni uanga inuusuttuaraanera iluaqutissatut isigiinnarpara. Tassa massakkut siuariartornera sukkanerpaaffissaaniikkami. Taama Nemo Thomsen oqarpoq. Assi: KNR

VIDEO: Nunanut allanut arsaattartussatut toqqarneqarallartoq: Takorluugara qanillivara

Nemo Thomsen nunanut allanut unammisartussanut toqqagaagallartuni nukarlersaavoq. Taassuma isikkamik arsaanneq inuussutissarsiutigilernissaa takorluugaraa.

Morten Rutkjærip nunatsinni nuna tamakkerlugu sungiusaasuusup nunanut allanut unammisartussat toqqarallarpai. Taakku ilagaat 16-nik ukiulik Nemo Thomsen.

Arsartartoq Ilulissaninngaanneerpoq, Sønderjyllandimilu meeqqat atuarfianni atuartuulluni. Taanna nunanut allanut unammisartut allat peqatigalugit nutaanik misilittaanissaminut piareeqqanerarpoq. Oqitsuinnaanavianngitsorli nalunngilaa. 

- Nalunngilara inersimasut taakku timikkut nukittuujusut, assigisaallu. Kisianni aamma uanga nalunngilara pikkoriffeqarlunga. Taakkulu upperaakka, oqarpoq Nemo Thomsen. 

Iluliarmiu Sønderjyllandimi meeqqat atuarfiani ukiup aappassaanik maanna atuarpoq, Danmarkimilu atuarneranut arsaattarnini pimoorunnerunissaanik peqquteqarnerarpaa. Takorluugaqarpormi.

- Immaqa nukappiaqqat tamarmik arsartartunngorusunneq inuussutigalugu sinnattorisarpaat. Uangali taanna nammineq sinnatoriuaannarnikuullugu sukataarutigalugulu nalunngilara, Nemo Thomsen oqarpoq. 

Nemo Thomsen nunanut allanut unammisartussatut toqqagaagallartuni siullerpaamik ilaavoq. 

 

Nemo Thomsen

 

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat