Video: Nissit isertortumik paasiniaasartut piareerput

Aqagu decembarip ulluisa aallaqqaatigissavaat, juullimullu TV-kkut kalaallisut ammartakkap nutaap aallartinnissaa qilanaarisinnaanngorparput. Taanna taaguuteqarpoq "Nissit Angakkuaatillu". Qilanaartuut takuuk.
Allattoq Carla Davidsen
novembarip 30-at 2012 06:37

Juullip inuata aallarunneqarsimasup ulluni 24-ni tulliuttuni Kalaallit Nunaanni innuttaasunit malinnaavigilluarneqarnissaa qularutiginngilarput, nissimmi marluk, Nivip aamma Nukappip, juullip inua Kalaallit Nunaat tamakkerlugu ujassavaat.

Nissit Isertortumik Paasiniaasartui, nissimit 350-inik ukiulimmit siulersorneqartut, ujaasinermi allaat peqataassapput.

"Nissit Angakkuaatillu" KNR-TV-kkut ualikkut arfernup-qeqqa aqagumiit decembarip ulluisa aallaqqaataanniit juulliaqqap tungaanut aallakaatinneqartassaaq, unnukkut arfineq-pingasunut aallakaateqqinneqartassalluni.

Juullimut ammartagaq Tumit Produktionimit suliaavoq, NunaFonden Kalaallit Nunaannilu inuussutissarsiortut aningaasaliisuullutik.