Video: Niaqornarsuup eqqaani nannut
Nanoq piaqqisartoq Niaqornaarsummiut ussangarfigivissorpaat sapaat oktoberip 21-at. Umiatsiat arlallit qanillivillugit takuniaapput tassanilu assiliisoqarlunilu videoliortoqarpoq.
Aalisagartassanik nakkutilliisoqarfik KNR-mut ullaaq manna nalunaarpoq nannunik takunnissimasunik tusagaqaqqissimanatik sapaammi Niaqornaarsuup eqqaani takuneqarnerisa kingorna. Inassutigaalli nannut pallinnaversaarneqassasut.
- Nalulluinnarparput nannut suminngaanneersimasinnaanerat. Qanittumi manna sikoqarpiarnikuunngilaq. Qeqertat ilaannut qaqimmat kingorna takoqqinngilagut, Niaqornaarsummi KNRip ilanngutassiortua Hans Wille oqarpoq.
Nannut piaqqisartut eqqissisimatitaalluinnarput.