VIDEO NAPP ikummatissat akitsornerat pillugu Naalakkersuisut iliuuseqaqquai

Nuummi Aalisartut Piniartullu Peqatigiiffiani, NAPP-imi, siulittaasoq Naalakkeruisunit ikiorserneqarusuppoq, ikummatissammi akitsornerisigut saarullinniarneq imminut akilersinnaarpoq.

Johannes Heilmann sila aporfiunngikkaanga ullut tamaasa aalisariartarpoq. Polar Oilip ikummatissat aggustip aallaqqaataani akitsormagilli aalisartut atugarisaat ajorseriarput.

- Soorunami ukiut kingulliit eqqarsaatigalugit akuttunngitsunik akitsuisoqartaraluartoq kisianni tassa aalisartut piniartullu malugisorujussuuaat ullumikkut qanoq iliortoqarnera, Johannes Heilmann KNR-imut oqarpoq.

Siusinnerusukkut tapisisarsimapput
Akitsuisoqannginnerani ullormut 1000 koruunit missaat ikummatissanut atortarsimavaa, maannalu 100 koruunimik akiliinerusalerpoq. Taamaalillunilu saarullinniarneq imminut akilersinnaajunnaapajaarpoq, tassami saarulliit kiilumut 4 koruuneqarput. Naalakkersuisullu iliuuseqaqquai.

- Siornatigut ileqqorineqartartoq inuussutissarsiutilinnut, aalisartunut piniartunullu, Naalakkersuinikkut tapiissuteqartarneq, taanna assut oqallisigeqqinneqarnissaa kissaatigineqaleraluarpoq .

AAMMA ATUARUK Ikummatissanik akitsuineq ATAATSIMUT ISIGALUGU

- Neriuutiginaqaaq Naalakkersuinikkut qanoq iliuuseqartoqassasoq. Peqatigiiffimminngasanniit ilaasortatta ullut kingulliit oqaluuserisartagaat oqaatigisartagaallu tunngavigalugit taamatut oqariartuuteqarneq tusaaniarneqasasoq neriuutigaarput, Johannes Heilmann oqarpoq.

Nuummi Aalisartut Piniartullu Peqatigiiffiat 100 sinnerlugit ilaasortaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat