VIDEO Kunngissakkut Igalikumi

Kunngissap Frederiup nuliatalu Maryp qitornaasalu sisamat prins Christianip, prinsesse Isabbellap prins Vincentip prinsesse Josefinellu nunatsinni tikeraarnertik pisortatigoortumik Igalikumi aallartippaat.
Allattoq Tikaajaat kristensen
aggustip 01-at 2014 13:06

Ilaqutariit kunngikkormiut tallimanngormat ullaakkut Igalikumut tikipput.

Kunngissakkut nunaqarfiup suilersuisuisa siulittaasuannit Mouritz Karlsenimit Kommune Kujalliullu borgmesterianit Jørgen Wæver Johansenimit tikilluaqquneqarput.

- Kujataani innuttaaqatikka sinnerlugit maanga nunatta qorsorissortaanut qamannga pisumik tikilluaqqusinnaagassi nuannaarutigaara.

- Kunngikkormiutut ataqqinassusillit – maani kujataaniinnissinni nuannersumik puigunaatsumillu angalanissassinnik kissaallusi qamannga pisumik tikilluaritsi, borgmesterip tikilluaqqusinermini oqaatigisaasa ilagaat.

Inatsisartunut siulittaasuusimasup Josef Tuusi Motzfeldtip ilaqutariit kunngikkormiut qallunaatsiaat illorsuakuanni angalaaruppai.

Café Igalikomilu kaffillertoqarpoq oqaluffimmi assitoqqanik saqqummersitat alakkannginneranni.

Nalunaaqutaq 11.30p missaani kunngissaq Frederik, kunngissap nulia Mary meeraallu sisamat, prins Christian, prinsesse Isabella, prins Vincent prinsesse Josephinelu Kunngikkut umiarsuaannut Dannebrogimut uterput Narsallu tungaanut aallarlutik.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk