VIDEO: Kjeldsenikkut nunarsuaq kaajallareerlugu Qaanaaliarput
Angalatuut Kjeldsenikkut Sullualukkut, Filippinerini Afrikallu kujataani angalaareerput. Aappariillu marluullutik Qaanaameeqatigiissimanngitsut Qaanaamut ataasinngormat tikipput.
Nuliariit angalatuut Kjeldsenikkut Qaanaamut ataasinngormat tikipput.
Allattoq Aviâja Kilime , Virna Kromann
juulip 31-at 2020 07:28
Kjeldsenikkut tissiartaamminnik ukiut pingasut matuma siorna nunarsuaq kaajallanniarlugu aallarput. Angalaneralli tassunga killinngilaq. Naak nunarsuaq kaajallallugu angalareeraluarlutik, Dorthe suli Qaanaamiissimanngitsoq ataasinngormat tikipput.
Dorthe Kjeldsenip meeraallunili Innaanganersuarmiut Inughuit pillugit atuarsimasani isiminit takorusuttarsimavai.
- Angallatip qaavani tiitorlunga aquuteralannguaq takkukkami tassa taakkua majuaqqusipput mattatoriaqqusillutik qilaluarsimallutik nuannersumik inuit aatsaat takusat taamannak inussiarnerlutik pinerat nuanneramik ingallunga nuannaaleraangama tikilluaqqusaasutut misigillunga, Qaanaameerngaartoq taama ilaatigut oqarpoq.
