Video: Kishima qimuttuitsorpoq
Allaalluinnartunik takorluuisinnaaneq Kishimakkut videoliaanni nutaami ilaalluinnarpoq. Nipilersortartut qimuttuitsunut ilaapput aammalu takorluukkat silarsuaanni cirkusimut eqqaanartumi sulluusatigoortarlutik. Taamaattariaqarsimavorlumi oqaluttuap ’Alutorna’ haar’-p saqqummiunniarnerani.
- Videoliarinissaanut isumassarsiaq qangali pinngornikuuvoq isumassarsiaralu nipilersukkap immiunnerani nipilersoqataasunut saqqummiuppara, erinarsuusiortoq Henrik Høyer Jensen oqaluttuarpoq.
Ulluinnarni Nuuk TV-mi assiliisartuullunilu katiterisarpoq. Namminerlu aalajangersimavoq video angerlarsimaffimmini suliariniarlugu tassanilu video allakajaaq pileriartorsimavoq.
- Qarasaasiama iluani programmiuteqarpunga alutornartuliorsinnaasunik. Mallit nammineq ilusilersorpakka. Katillugit sapaatip akunneri pingasut suliaraara, Henrik Høyer Jensen oqarpoq.
Immikkuullarissumillu videoliornermigut aamma nammineq inuttut takutikkusutaqarpoq.
- Takutikkusuppara immikkuullarissunik alutornartunillu uagut nammineq nipilersukkanik video-liorsinnaalluta, oqarpoq.
Video unnugu siullerpaamik kulturip illorsuani Katuami filmi 'Twillight Breaking Dawn' sioqqutilaarlugu takutinneqassaaq.
Kishima - Alutorna`haar` (Official Music Video) from Henrik Høyer Jensen on Vimeo.