Naak Nuummi inuit amerlanerpaamik qulit ataatsimooqqusaagaluartut Pisiffimmi aningaasanik tigusisarfiup saani siuleriiaattorpassuupput. Video aamma assi: Lars-Karl JohanssonAssi: Privat

Video: Inuit akissarsiffimmi Pisiffiliakaasut

Nuummi inuit amerlanerpaamik qulit ataatsimooqqusaapput imminnullu 2 meterinik ungasitsigeqqusaallutik.

Ataasinngormat unnukkut aqqanermut aningaasarsiat ikileqarput.

Tamannalu Nuup qeqqani Pisiffimmi pisiniarfiup aningaasanik tigusisarfiata saani aammalu pisiniarfiup silataani inuit qanillutik siuleriiaallutik isernissaminnut utaqqineranni takuneqarsinnaavoq.

Innuttaasup ernumasut politiit nalunaaruteqarfigigai.

AAMMA ATUARUK Pisiniarfiit imigassap inerteqqutaalerneranit nakkutilliinerulersut

- Innuttaasut ulluni makkunani nalinginnaasumik ernumanerupput, pingaartumik amerlasuut sumiiffimmi ataatsimi katersuunnerannut, nunatsinni politiit pingaartuat, Søren Bendtsen oqarpoq.

- Politiit pisiniarfiliartippagut, tassanilu pisiniarfiup iluani aningaasanik tigusisarfiup saani pisiniarfiullu silataaniittut amerlangaatsiartut paasivarput.

Nuummi inuit ataatsimoortut amerlanerpaamik qulioqqusaapput, tamanna silami illullu iluanut atuuppoq. Inuillu imminnut 2 meterimik ungasitsigisarnissaat innersuussutaavoq.

Pisiffik inuppassuit

 

- Inuit pisiniarfiup iluaniittut silataanniittullu oqaloqatigaagut. Inuit qanippallaarlutik pisariaqanngitsumik tuniluuttoqartitsinaveersaaqqullugit oqaluuppagut – aamma aningaasarsiffiugaluartorluunniit, pigaartut pisortaat, Søren Bendtsen oqarpoq.

Pisiffiullu inuppassuit ataatsikkut pisiniarfimmiittut ilisimavaa.

- Oqartussat innersuussutaannik malinninniarsariuarpugut. Ataasinngornermi unnukkut pisoqarnera nakkutilliisoq suliartorsimanngilaq, sulisullu pisiniartumi imminnut ungasinnissaat ajoraluartumik maluginiarsimanngilaat, Pisiffiup ingerlatsinermi pisortarigallagaa, Susanna Poulsen oqarpoq.

- Nakkutilliinermik suliaqartartut sulisugullu peqatigalugit siunissami tamatumanik isumaginnittarnissatsinnut marlunngornermi ullaakkut pilersaarusiorpugut.

Isummersuutit