Igalikup qaqqaa qaqigaanni savaateqarfik Tatsip Kitaa, ukioq manna naggoreqisoq nuisavoq. Assi: Jørgen Semionsen

VIDEO: Igalikumi ivikkat sialleqattaarmat naggoripput

Tatsip Kitaani savaatillit ivikkat aasaq manna sialleqattaarluni masannartuliormat naggorissimmata savanut nerukkaatissaqarlualerput.

Savaatilik Frederik Egede ivikkanik naasimaqisunik Tatsip Kitaani killuivoq. Ilaqutariit Frederik Egedekkut Mikikkullu savaateqarfimmi tassani savaateqarput. Sialleqattaarneratalu kingunerisaanik ivikkat ukioq manna naalluarsimaqaat.

- Assorujussaq naasimapput. Taava ima naasimatigipput ingasalaaramik. Tassa ajornanngitsuuppat killortariaqaleraluarput, Frederik Egede oqarpoq.

Ivikkat panerserluarnikuusut 200 kiilut missiliorlugu oqimaassuseqartillugit poortorneqartarput, suli panerluarsimatinnatik 600 kiilut missiliorlugu oqimaatsigisinnaasarlutik.

- Ivikkanik panersiineq ukioq manna ingerlalluarmat savanut nerukkaatissanik Europamit pisiniarnikinnerulissaagut, Frederik Egede nuannaarluni oqarpoq.

- Tassa nammineq pilersissinnaasagut amerlappata Europamiit tikisitat annikinnerusumik atorneqartaramik, Frederik Egede oqarpoq.  

Igalikumi ivikkanik katersineq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat