Juullip orpiisa ikinneqarnerat Facebookikkut toqqaannartumik aallakaatinneqarut. Juullimut orpiit ualikkut ikinneqaratik ullaakkut arfinernut ikittut.

Ileqquusut malillugit sapaassuit aallartinnerat corona pillugu malittarisassat pissutigalugit ukioq manna allaanerupput.

Silamimi inuit 250-init amerlanerusut katersuuteqqusaanngillat.

Illoqarfinnili nunaqarfinnilu minnerusuni pissutsit pisarnertut ingajapput. Nunaqarfimmilu Akunnaani orpiup sapaatiummat ikinneqarnera nalinginnaasutorluinnaq ingerlanneqarpoq - nunaqarfimmimi innuttaasut 50-iinnaapput.

- Ajuungilaq suu. Qilalaarnarporaasit orpiup ikinnera, tamatigut qilanaarnartarami adventip aallaqqaataani ikinneqartarmat, nunaqarfimmi utoqqaanersaq, Peter Larsen oqarpoq.

Juullip inua ileqquusoq malillugu orpiup ikinneqarnerata kingorna mamakujuttunik agguaavoq. Katersortarfimmilu kaffeqarlunilu kaageqarpoq.

AAMMA ATUARUK Coronamit killilersuinerit: Orpinnik ikitsinissat ukioq manna allaanerussapput

- Inuit ikittunnguanngornikuungamik, 50-t ataatilernikuungamikkit, aaqqissuisuusugut aalajangernikuuvugut, taanna sussa malippallaanngikkaluarutsingu aamma maani coronartoqannginnera pissutigalugu, ajorunnanngimmat taama pisarnitsitut aaqqissuiinnarpugut, Jens Peter Olsen.