VIDEO Akunnaami coronamik tunillatsissimasoqanngitsoq - orpik nalinginnaasumik ikinneqartoq

Nunaqarfimmi Akunnaani orpik sapaatiummat nalinginnaasumik ikinneqarpoq - inuimmi 50-iinnaapput.

Juullip orpiisa ikinneqarnerat Facebookikkut toqqaannartumik aallakaatinneqarut. Juullimut orpiit ualikkut ikinneqaratik ullaakkut arfinernut ikittut.

Ileqquusut malillugit sapaassuit aallartinnerat corona pillugu malittarisassat pissutigalugit ukioq manna allaanerupput.

Silamimi inuit 250-init amerlanerusut katersuuteqqusaanngillat.

Illoqarfinnili nunaqarfinnilu minnerusuni pissutsit pisarnertut ingajapput. Nunaqarfimmilu Akunnaani orpiup sapaatiummat ikinneqarnera nalinginnaasutorluinnaq ingerlanneqarpoq - nunaqarfimmimi innuttaasut 50-iinnaapput.

 

Juletræstænding Akunnaaq

- Ajuungilaq suu. Qilalaarnarporaasit orpiup ikinnera, tamatigut qilanaarnartarami adventip aallaqqaataani ikinneqartarmat, nunaqarfimmi utoqqaanersaq, Peter Larsen oqarpoq.

Juullip inua ileqquusoq malillugu orpiup ikinneqarnerata kingorna mamakujuttunik agguaavoq. Katersortarfimmilu kaffeqarlunilu kaageqarpoq.

AAMMA ATUARUK Coronamit killilersuinerit: Orpinnik ikitsinissat ukioq manna allaanerussapput

- Inuit ikittunnguanngornikuungamik, 50-t ataatilernikuungamikkit, aaqqissuisuusugut aalajangernikuuvugut, taanna sussa malippallaanngikkaluarutsingu aamma maani coronartoqannginnera pissutigalugu, ajorunnanngimmat taama pisarnitsitut aaqqissuiinnarpugut, Jens Peter Olsen.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat