Viceværtit pisortaat assassornermik ilinniarsimasuusariaqarput
Viceværtit pisortaat sanasutut allatulluunniit assassornermik ilinniagaqarsimasuusariaqarput, ilaatigut taamak NUSUKA, Nunaqavissut Suliffiutillit Kattuffiat tusagassiorfinnut nalunaaruteqarpoq. NUSUKA junimi INI A/S-mik ataatsimeeqateqarsimavoq, ilaatigullu aamma eqqartorneqarput suliariniuttussarsiornerni iliuutsit aaqqissornissaat. NUSUKA-mit kissaatigineqarpoq suliani annertuuni iluarsaassisarnerni tamakkiisumik sullissineq qimallugu kisiannili ilinniakkanik agguataarinikkut ingerlassisoqalissasoq, tamanna tunngavilersorneqarpoq sumiiffinni assigiinngitsuni namminersortut unammillersinnaanissaminnut periarfissinneqassammata. Kissaatigineqartut arlaat tassaavoq inissiamik attartortut nammineerlutik iluarsaasinnaanerannik unitsitsinissaq. Tamanna tunngavilersorneqarpoq inissiamik attartorsimasut inigisaminnik qimatsilernerminni nammineq iluarsaassinerminni akiliutigisimasaminnik utertitsineq pingaartinnerusarmassuk inissiap nuuttussanut suliarilluagaanissaa apeqqutaatinnagu.
