Norgep avannaani Kautokeino-mi siornatigut borgmesterimut tullersortaasimasoq 2005-imi decembarip qaammataani suli ukiukitsumut arnerisimasutut eqqartuunneqarami qaammatini arfinilinni parnaarunneqartussanngorsimavoq.
Politikereq 42-nik ukiulik qaammatini arlalinni pinngitsuunerartuarsimavoq, DNA-lu atorlugu misissuisoqareernerata kingorna aatsaat nassuersimavoq.
Angutip pineqartup ukiukitsumut arnerisimaneranut tunngasut suliassat allat 15-t maanna politiit itinerusumik misissuiffigigaat nittartakkami aviisimi euroarctic.com-imi allaaserisaqarpoq.