Venstremi qullersat Rønn Hornbech naveerpaat
Kalaallit Nunnaanni pissutsinut partii venstre akulerittariaqariaqanngitsoq taanna isumaqarpoq.
- Oqaaseqartartutut ataatsimiititaliami peqataajunnaarnissara qaammatit arlaqartut matuma siornatigut qinnutigaara, Kalaallit Nunaat pillugu isummertarnikka partiimi ilaasortaqatinnit isumaqatigineqanngimmata, Birthe Rønn Hornbeck, mail atorlugu aviiisimut Politiken-imut taama allappoq.
- Tamanna ilumoorpoq, Venstrep politikkikkut oqaaseqartartua Ellen Thrane Nørby oqarpoq.
- Eqqaasissitsissutigissavara Birthe Rønn Hornbeck qaammatit arlallit matuma siornatigut tassalu suliat angisuut pillugit oqallinneq sioqqulugu Kalaallit Nunaat pillugu oqaaseqartartutut tunuarmat, taamaattumik tunuarneranut oqaluttuaq ingasattajaarunneqartariaqanngilaq, Ellen Thrane Nørby radioaviiisimit oqaloqatigineqarluni taama oqarpoq.
Birthe Rønn Hornbech aviisimut Politiken-imut mail atorlugu allakkamini, Kalaallit Nunaat pillugu isummani immikkoortunut arfinilinnut saqqummiupppai ilaatigullu ima oqarluni.
- Oqartussaaffiit arlaqartut Kalaallit Nunaannit oqartussaffigineqalerpata, Danmark-ip paasisinnalertariaqassavaa, naligiikkatta oqaluttuarisaanikkut aamma naalagaaffeqatigiinnerput aqqutigalugu. Ataqqeqatigiinneq naligiinnerlu Namminersorneq pillugu inatsimmi ersersinniarsimavarput, Birthe Rønn Hornbeck aviisimut Politiken-imut ilaatigut taama allappoq.
Birthe Rønn Hornbeck Namminersorneq pillugu isumalioqatigiissitami ilaasortaavoq, Politken-imullu allagaqarnermerni erseqqissatigaa, Namminersorluni oqartussaaneq pillugu isumaqatigiissuteqarnermi kinguneriumaagassai Danmark-ip nalunngilluarmagit.
- Namminersorneq pillugu isumalioqatigiissitami suut tamarmik oqallisigineqarput.
Aatsitassanik ingerlatsineq nunat allamiunillu sulisoqarneq Namminersorneq pillugu isumalioqatigiissitami oqallisigineqarsimannginnerarlugu oqarnerit ilumuunngillat, Birthe Rønn Hornbeck oqarpoq.
- Kisianni pissutsit piviusut ullumikkut allaanerupput Ellen Thrane Nørby Venstret politikkuut oqaaseqartartuaq oqarpoq.
Namminersorneq pillugu inatsit partiit Venstre aamma Konservatiivit naalakkersuisuuneranni akuerineqarpoq, taamaalineranilu sulianut angisuunut inatsit ilaanngilaq. Namminersorneq pillugu inatsit tamakkiisumik tapersersorparput.
Naalaagaffeqatigiinneq Venstre-nit tapersersorparput, maannaakkullu Naalagaaffeqatigiinnermi alloriarneq nutaaq Kalaallit Nunaanni Danmark-imilu maanna pilersoq aamma tapersersorparput, Venstret politikkikkut oqaaseqartartuat Elle Thrane Nørby oqarpoq.
