Venstremeersup Kuupik Kleist tapersersuimmat eqqumiigaa

Tunngaviusumik inatsisip allanngortinneqarnissaanut ataatsimiititaliami siulittaasup, Birthe Rønn Hornbechip, Venstre-meersup eqqumiigaa, tunngaviusumik inatsimmi paragraffit aappaata allanngortinneqarnissaa pillugu Socialdemokratit Radikaalillu siunnersuutaat Foketingimut IA sinnerlugu ilaasortap Kuupik Kleistip tapersersormagu.

Kalaallit kissaataannik Birthe Rønn Hornbech tusaaniarluartartuuvoq. Illuatungiuttulli siunnersuutaat Kalaallit Nunaannut attuumassuteqanngilaq, tassanimi Danmark naalagaaffittut pineqarpoq.

Paragraffi taanna tassaavoq kunngissaqarneq pillugu paragraffi.

Illuatungiliuttulli allannguuteqarnissamik siunnersuutaata kalaallimit tapersersorneqarnera imminut assortuuttutut ippoq, oqarsinnaanngilagummi siunnersuut Kalaallit Nunaannut Savalimmiunulluunniit attuumassuteqartoq, Birthe Rønn Hornbech oqarpoq.

- Siunnersuut Kalaallit Nunaata soorlu ajuallaatigissagaluaraaluunniit, Birthe Rønn Hornbech oqarpoq.

Tunngaviusumik inatsisip allanngortinneqarnissaanut Socialdemokratit Radikaalillu siunnersuutaat Folketingimi marlunngormat oqaluuserineqarmat amerlanerussutilinnit tapersersorneqanngilaq.

Siunnersuut ataatsimiititalianit suliareqqitassanngorlugu ingerlateqqinneqarpoq.