Venstre: Issittumi suleqatigiinneq nukittuujussappat peqataaffigineqarnissaa pisariaqarpoq
Issittumi Siunnersuisooqatigiinni ministerit ataatsimiinnerat Kalaallit Nunaata peqataaffigiumanngilaa. Naalaaffeqatigiinni nunat pingasuusuut Sverigep siulittaasuuffiata nalaani Issittumi Siunnersuisooqatigiinni ataatsimiinnerni tamarmik immikkut peqataatitsinissaannik kissaateqarsimannginnera pissutaavoq. Uggornarpoq, Siunnersuisooqatigiimmi maannamut ingerlalluarsimapput issittumilu najugaqartunut oqallittarfiulluarsimallutik.
Naalagaaffeqatigiit Danmarkimit, Kalaallit Nunaannit Savalimmiunillu ataatsimiinnerni peqataaffigineqartarsimagaluarput. Sverigelli ukiuni marlunni siulittaasuunerani taamatut periuseqarneq allanngortinneqarpoq, naalagaaffeqatigiit isumaqatiginninniarnerni ataasiinnarmik peqataatitaqalersillugit.
- Issittoq pillugu aalajangiinerit pingaarutillit pineqartillugit naalagaaffeqatigiinni peqatigiit pingasuusut tamakkerlugit peqataatinneqannginnerat uggornarpoq, Venstrep Savalimmiut pillugit oqaaseqartartuat Anni Matthiesen oqarpoq.
Assersuutigalugu silap pissusii pillugit pingaarutilinnik aalajangiisoqassatillugu tunngavissaqarluarnissaq pisariaqartuaannarpoq. Taamaammat aamma suassaqarfimmi paasisimallit ajornartorsiutinillu ilisimasallit, siornatigullu peqataasarsimasut, Issittumi Siunnersuisooqatigiinni ataatsimiinnerni ataatsimiinnerni maanna toqqaannartumik peqataasinnaajunnaarnerat ilimasaminnillu siunnersuutissaminnillu saqqummiussaqarsinnaajunnaarnerat ernumanartortaqarpoq.
- Illuatungeriinnut tamanut aaqqiissutissamik naammaginartumik sukkanerpaamik nassaartoqarnissaa neriuutigaara, Danmark, Kalaallit Nunaat Savalimmiormillu isumaqatiginninniarnerni tamarmik immikkut peqataatitaqartariaqarput, taamaasillutik aamma Issittumi Siunnersuisooqatigiit sulinerannut naligiimmik peqataanissaminnut periarfissinneqarlutik, Venstrep Kalaallit Nunaat pillugu oqaaseqartartua Gitte Lillelund Bech oqarpoq.
