Venezuelami illoqarfiup pingaarnersaani Caracasimi innaallagiaqaqqilerpoq.Assi: Daniel/Flickr Creative Commons

Venezuelap ilaani innaallagiaqaqqilersoq

Venezuelami sumiiffiit ilaanni ullut arfinillit innaallagiaqanngereerluni illoqarfiit ilaat innaallagiaqaqqilerput.

Caracasimi innaalligaqaqqilerpoq Venezuelalli ilaani suli innaallagiaqanngilaq tamannalu tillianianit atornerlunneqarpoq. Nunammi immikkoortuisa annerpaartaanni innaallagiaqanngilaq. 

Pisinniarfippassuit ullut  arfinillit ingerlanerini ujajaaffigineqarput. Maracaibomilu pisinniarfiit 500-t ujajaaffigineqarsimasut nalunaarutigineqarpoq.

Venezuelalli ilaani innaallagiaqaqqilerneranit pisortani atorfillit ullumi sisamanngornermi suliartorsinnaanngorput. 

Taamaattoq naalagaaffiup atuarfiutai aatsaat aqagu tallimanngornermi ammarneqassasut, Attaveqaqatigiinnermut ministeri, Jorge Rodriguez ilisimatitsivoq.

AAMMA ATUARUK USA Venezuelap uuliasiorneranut pillaatissanik nutaanik aallartitsisoq

Innaallagiaqannginnerup nalaani innuttaasut amerlaqisut atugarliorput. 
Nerisassat asiusimapput innuttaasullu imermik eqqakkat aqqutaaneersumik imertariaqartarsimapput.

Pisortani sulisut sapaatip akunnerata siuliani tallimanngornermi angerlarartinneqarnissaat, Venezuelami naalakkersuisut aalajangerpaat, tamanna pivoq naalagaaffiimmi naalagaaffeqatigiinni ilaasut 22-t innaallagiaaruttussanngormata.

Tamatuma kingunerisaanik angallassinermut aaqqissuussaaneq eqqorneqarpoq. 
Innaallagiaarunneratigummi nerisassat nillataartitsivimmiittut qerititsivimmiittullu asiupput innuttaasullu kuuginnartumik imeqarunnaarlutik.

Venezuelami nukissiorfiit innaallagissamik pilersuisut USA-mit saassutarineqarsimanissaat 
Præsidentimit Nicolás Maduromit pasilliutigineqarpoq. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat