Venedig morsulersoq annaanniarsaraat

Venedigili qanoq annaanneqarsinnaanersoq ilisimatuunit misissorneqareersimalerpoq, ilisimatuullu qanoq iliuusissaminnik nassaarunarput. Ilisimatuussutsikkut atuagassiap, Videnskabip, nittartagaani tamanna atuarneqarsinnaavoq.

Ilisimatuut eqqarsaataat tassaavoq koraaliusanik ikkanninnguuttunik pilersitsiniarlutik, illoqarfik morsunnginniassammat, Venedigimi qangalili marrarmi inissisimavoq, koraliusallu ikkanninnguuttut marrarmiit aalaakkaanerussapput.

Koraalit ikkanninnguuttussat protocellinit pilersinneqassapput, illoqarfimmilu ikerasalianut ikkussuunneqassallutik, protocellit tassaapput uumassusillit sananeqaataasa minnersaat imminni uumassuseqartut. Protocellit taartumukartussanngorlugit sananeqassapput, tassa illorsuit toqqaviisa ataannut inissittassapput, ujaqqanut kalkitalinnut assingusinnaasunik pilersitsissallutik.

Ilisimatuut ilaata, suliniuteqartunut ilaasup, Martin Hanczycip, Ilisimatusarfimmit Center for Fundamental Living Technologymeersup, oqarnera naapertorlugu, suliniut ukiuni immaqa qulini 20-niluunniit ingerlanneqassaaq.

- Venedig arriitsunnguamik kiviartorpoq, angumerissaqqaarparput, oqarpoq.