Vejlemi tupinnartumik pisoqarpoq
Danmarkip annersaani anorersuarujussuartoq Danmarkimi innuttaasut ullaaq iterput. Illoqarfiillu ilaanni, Vejlemi, tupinnartumik, immaqa tupannaraluarluni quiatsannartumik, pisoqarpoq.
Allattoq Carla Davidsen
decembarip 09-at 2011 07:56
Lastbiili kalusiuttagaqarluni ullaap-tungaa tasamani qulinut qiteqqukkiartortoq Vejlip tungaanukartilluni anoraasuarujussuarmat kalusiuttagaa tingippoq.
Kalusiuttagaq aqquserngup sinaanut uppippoq, angallattunullu amerlaqisunut ajoqutaalerluni.
Arlaalli ikiortissarsiorluni sianerianngitsoq pinngortitarlusooq ikiorsiivoq.
- Lastbiilimik ingerlatsisoq anillappoq, qanoq-iliornissanilu eqqarsaatigerpasillugu kalitani isikkuserlugu. Tassanngaannarli anoraasuaqqimmat kalusiuttagaq nappaqqippoq. Isigisaq eqqumeeqaaq, takunnissimasut ilaat oqaluttuarpoq, tupinnartuliaavormi, taanna oqarpoq.
Lastbiili anginerulaartoq lastbiilip kalitaarsertup saniatiguulerpoq, taannalu oqquartaliullugu kalitaarseraluartoq illuatungaanut apuussinnaanngorpoq.
