Vejle Rejser: Pisariaqavitsinnagu Balimukarasi

Qallunaat Asiami feeriartarfimmut Balimut feriarniat imaaginnavipput, naak Balimi qeqertat feeriartarfiit marluk illoqarfii Jimbara aamma Kuta qaartitsiffigineqaraluartut.

Qaartitsinerni inuit ikinnerpaamik 26-it toqutaasimasut, 100-nillu amerlanerit ikiligaasimasut nutaarsiassaqartitsivik Ritzau tusarliussivoq.

Danskisut innuttaassusillit 230-it missaanniittut Bali-mi massakkut feriarput.

Ukiut pingasut matuma siornagut tassa 2002-mi Balimi feriartarfiit qaartartitsiffigineqarput taamanilu takornariat 202-it toqutaapput taamani danskit inuusuttut pingasut aamma toqutaallutik.

Tamanna pillugu Danmarkimi nunanut allanut ministeriaqarfik danskisut innuttaassusilinnut inatsivoq pisariaqarvitsinnagu Indonisiamukarniaqqunagit.

Danmarkimi nunanut allanut ministeriaqarfimmit aamma neriuutigineqarpoq angalatitsivinnit tamanna aamma eqqumaffigineqarumaartoq.

Nunatsinni angalatitsivik Vejle Rejser ilisimatitsivoq piffissami matumani Balimut feriarumasunik sullitaqaratik. Elin Bonde Vejle Rejsemi pisortaq oqarpoq taamaattoqaraangat angalaniarlutik saaffiginnitsimunnut erseqqisaasarlutik.

- Balimi taama pisoqarmat aamma paasivarput angalasunut sillammasiisarfiup Europæiske Forsikring-ip angalanermi sillimmasiinerminut akigititani aamma qaffassigai, Elin Bonde erseqqissaavoq.

Nunatsinni Vejle Rejser aqqutigalugu aamma Balimukartoqartarpoq angalanerilli tamarmik maannamut suliffeqarfitigoortuusartut Elin Bonde ilisimatitsivoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat