Valenciami ajunaartut 30-t

Allattoq Mads Lynge
juulip 03-at 2006 10:55

Spaniap kangimut kujasissortaani Valenciami qimuttuitsut illinernit pillukarmata ikinnerpaamik inuit 30-t ajunaarsimanerarneqarput, arlallillu ikilersimallutik. Nutaarsiassaqartitsivik Ritzau taama allappoq.

Qimuttuitsut putorsuakkoortillutik illinernit pillukarsimapput, ulikattarsimallutillu.

- Ajunaarsimasut kinaassusersiffiginialeruttorpagut, takusinnaasagullu naapertorlugit ikinnerpaamik 30-upput, nunap immikkoortortaani naalakkersuisut oqaaseqartartuat Vincente Rambla oqarpoq.

Qatserisartut sinnerlugit oqaaseqartartoq oqarpoq ilaasut tamarmik qimagutitinneqareersimasut.

Ajutoornermut suna pissutaasimasinnaanersoq ilisimaneqanngilaq.