Vagar pigilersussannguatsiarpaat
Savalimmiuni mittarfik Vagar, danskinit pigineqartoq, Savalimmiorminit pigineqalersinnaassanersoq Folketingimit ullumi taasissutigineqassaaq.
Mittarfik Vagar naalagaaffiup pigisaraa, pilersaarutilli malillugit Savalimmiormiut maajimi pigilersussaavaat.
Vagarip Savalimmiunit pigineqalernissaa Lagtingip akuersaareerpaa, mittarfiullu allisarneqarnissaa aamma akuersissutigineqareerluni. Allisarneqarnera 360 millioni koruuninik akeqassaaq.
Aningaasat danskit aningaasaliinissamut pigineqatigiiffiannit pigineqarput, tamannalu pissutigalugu Vagarip Savalimmiormiunit pigineqalersinnaanissaa Folketingimit akuersissutigineqartariaqassalluni.