Vædderen nunarsuaq kaajallallugu angalaartussanngorpoq

Umiarsuaq alapernaarsuut Vædderen nunarsuaq kaajallallugu angalaartussanngorpoq.

Folketingip aningaasaqarnermut ataatsimiititaliaata 60 millioni koruuninik tapiissuteqarneratigut, Vædderen isumannanngitsumik ingerlanneqarsinnaanngorpoq, allanngortiterneqarsinnaanngorlunilu.

Aappagu augustip qaammaataaniit Vædderen Galathea 3-ekspeditionimit atorneqassaaq, taamaammallu allanngortiterneqartariaqarluni.

Aappaagu aasap naajartulernerani nunanut avannarlernukassaaq Savalimmiut nunarpullu aqqusaarneqassallutik. Nunarput aqqusaareeruniuk Akullersuakkoorluni Arabiap kangerliumarnga Bengalillu kangerliumarngatiguussaaq Indonesiallu qeqertarpassui aamma ingerlaarfigissallugit.

Manerassuarmi qeqertat Salomonikkut tikinneqareerpata Australiap immikkoortortaanut Tasmaniamukassaaq, kinguninngualu Qalasersuaq Kujalleq tikissallugu.

2007-imi apriilip qaammataani Københavnimut uteriartornermini umiarsuaq alapernaarsuut Vædderen Amerika kujalleq aqqusaassavaa Caribiatigooriarlunilu Atlantikoq ikaarlugu Danmarkimut tikissalluni.

Taamaasilluni Vædderen katillugit kilometerit 63.000-t ingerlavigisimassavai.