Uuttortaanerit nutaat ingerlanneqalerput
Immap assingi pitsaanerusut ullutsinnullu naleqquttut Kangilinnguani Sakkutooqarfiup uuttortaanermigut anguniarpaa.
Nuummi Sisimiunilu uuttortaasoqaqqammerpoq, uuttortaasullu maanna Uummannaliarput tassani uuttortaasoqassammat.
Umiarsuit marluk atorneqartut ukiuunerani allangortillugit sananeqarput, nutaanillu uuttortaaserneqarlutik.
Kangilinnguani Sakkutooqarfik taama ilisimatitsivoq.
Uummannami uuttortaasoqareerpat kujataani uuttortaasoqassaaq.
Kujataanut ingerlaarnermi Atammiup eqqaani Niaqunngunami Toqqusamiit kimmut uuttortaasoqassaaq, Paamiuniillu kujammut nunap iluatigut aqqutaani uuttortaasoqassalluni.
Kangilinnguaniillatsiareernerup kingorna, Qaqortup avataani uuttortaasoqassaaq, kiisalu Alluitsup Paata Uunartullu akornanni uuttortaasoqassalluni.
Uuttortaanerit oktobarip ulluisa tallimaanni naammassineqassapput.
