Uummannaq: Sikup angallaviginissaa politiit mianersoqqussutigaat
Uummannami tunitsiviup tankeqarfiullu kujataani sikup saappallaarnera pissutaalluni innuttaasut tamaani angallannerminni mianersussasut, Uummannami politiit nalunaarutigaat.
Allattoq Charlotte Holten-Møller
marsip 21-at 2016 10:06
Nutserisoq Mads Lynge
Qamuteralaat ilaat sikukkut nakkarnera Uummannami politiinut tallimanngormat kalerriutigineqarpoq.
Qamuteralannik ingerlatsisoq annassinnaasimavoq, qamuteralaalli imarnersat ilaanni kivilluni. Tamaanimi piffissami kingullermi issippallaannginnera pissutaalluni siku saalisimasoq Uummannami politiit nalunaarutigaat.
