Erinarsuummi Uummannaq Song-imi Skotlandimiup KT Tunstall-ip Uummannami ajornanngitsumik inuusinnaagaluarnini nalunaarutigaa:
“Yes I could live in this town
Five cold years
Yes I could live in this town
Five cold years before
Well I could live in this town
Before I head for home
You know that feeling you get
when you don't want to leave”
Kalaallisut taallaa ima paasisariaqarpoq: - Aap, illoqarfimmi tassani inuusinnaagaluarpunga. Ukiuni tallimani, qiianaraluarpalluunniit. Aap, illoqarfimmi tassani inuusinnaagaluarpunga. Ukiut tallimat matuma siornagut. Angerlarusunngikkaluarpunga. Aallarusunngikkaangavit misigissuseq qanoq ittoq nalunngilat, KT Tunstall erinarsorpoq.
KT Tunstall-ip silap pissusaata allanngorneranik nunarsuarmiut eqqumaffiginninnissaannut atatillugu erinarsortartut allat peqatigalugit takornariartaammut ilaalluni siornatigut Kalaallit Nunaanniissimavoq, aappanilu katinnerminnut atatillugu angalaqatigiiutigalutik. Taamanili inuttut nuanniilliortorujussuusimalluni oqaatiginikuuaa.
- Taamani Uummannamiinnitsinni tusarnaartitsigama misigivunga nuanniinnerpaamik tusarnaartitsillunga. Imminut ima tatiginngitsigivunga allaat ilisarnaatissaannarnik erinniortartutut misigimallunga. Inuttut allatulli inuulernissara kissaatigileraluarpara – erinarsortartuunanga. Angalaqatinnut akuujumajunnaarlunga umiarsuarmit niuginnarusuleraluarpunga, Uummannaq nuannerunaralugu, KT Tunstall nittartakkamini allappoq.
Nuusiaa How To Make A Tiger Suit septembarip naanerani saqqummerpoq.